Servizos

Recuperación do bosque autóctono

Viveiro especializado

Planta forestal e froiteiras autóctonas

  • Ofrecemos unha amplia gama de planta forestal e froiteiras autóctonas
  • Tamén variedades autóctonas que se adapten ás características da zona e ás condicións climáticas
  • Empregamos métodos de cultivo sostibles, evitando o uso excesivo de productos químicos
  • Non traballamos nin eucalipto nin pino. O monocultivo destas dúas especies é un grave problema para a conservación da biodiversidade e do bosque autóctono galego

Reforestacións e plantacións

Ofrecemos unha amplia gama de servizos e asesoramento especializado

Ver catálogo

Reforestacións de parcelas

Facemos pequenas reforestacións de parcelas dende unha visión tanto económica, como sostible, xa que os métodos que empregamos buscan ser o máis respetuosos posibles coa contorna.

Alternativas permitidas

Hai un grave problema agrario relacionado co abandono de parcelas que antes eran explotadas e traballadas. Na actualidade, debido ao progresivo peche de explotacións, están totalmente descoidadas. Para isto ofrecemos alternativas permitidas como a plantación de castiñeiros de froito, abeleiras, oliveiras ou froiteiras autóctonas.

Coidado da natureza

Un dos servizos que ofrecemos e que nos apaixona, é a recuperación de paraxes abandonados ou descoidados, a recuperación de montes de ribeira ou a deseucaliptización, apostando pola vexetación autóctona e axudando á rexeneración da biodiversidade nesas contornas.

Divulgación

Un dos nosos intereses é que os nosos coñecementos cheguen á poboación, tanto rural como urbana. Temos experiencia en diversos concellos, asociacións ou centros escolares, impartindo charlas e cursos adicados á producción de planta, o monte e os seus coidados, ou diversos temas relacionados co rural.

Asesoramento

Levamos a cabo o asesoramento en parcelas forestais e agrarias cuxos donos, sexa pola imposibilidade de plantar outras especies que non sexan frondosas, ou polo desexo de trocar o paradigma maioritario do monocultivo, queiran plantar árbores autóctonas.

Os criterios que empregamos para esta finalidade son:

01

Criterio económico

Buscamos a rentabilidade da plantación

01

Criterio sostible

Empregamos, tanto na producción da planta como no manexo das plantacións, os métodos máis respetuosos co medio ambiente

01

Criterios de conservación da biodiversidade

O noso obxectivo é a recuperación do bosque autóctono

01

Criterio social

Beneficios para a población local (paseos polo monte, función de cortalumes, ruptura do feísmo producido polos distintos monocultivos, …)

Outros servizos

Ademais do noso punto forte que é a producción e venta de planta e o asesoramento, ofrecemos os seguintes servizos:

Ofrecemos a posibilidade de contratar os coidados posteriores (poda de formación, poda de fructificación, clareos, …)

Deseucaliptización de parcelas e conservación das especies autóctonas 

Achegamento á cidadanía do concepto “bosque autóctono”, así como do monte e os seus coidados, ou diversos temas relacionados co rural a través de charlas e cursos

Deseño de setos vivos con especies autóctonas coa finalidade de aumentar a biodiversidade local

Descubre a nosa colección

Explora nuestra colección de árboles

Catálogo Contacta